![[Translate to Macedonian:] [Translate to English:]](/fileadmin/_processed_/2/c/csm_stickynotes02_ba300a5733.jpg "[Translate to Macedonian:] [Translate to English:]")
Во модерното работно опкружување и секојдневие, секогаш сме под стрес – напорен распоред, мораме да бидеме достапни во секое време, да балансираме меѓу децата, партнерот и работата – тоа секојдневие со постојан стрес може многу лесно да ни предизвика лошо расположение и проблем со нервите. Па тогаш се запрашуваме, дали е време да земеме неколку слободни денови или сето ова е предизвикано од недостаток на витамин Б12?
Содржина на страницата
Симптомите може да се манифестираат така што понекогаш може да делуваме збунето, да имаме проблеми со концентрација, да не сме расположени, да сме депресивни, дури ни се јавува и чувство на нервоза. Прочитајте за тоа како витаминот Б12 ни помага да се заштитат нашите нерви и ни помага за одржување на нормална функција на нашиот нервен систем.
Оние индивидуи кои почесто во своето секојдневие се справуваат со многу стресни ситуации имаат поголема потреба од витамин Б12 од вообичаено. Овие ситуации може да бидат предизвикани при висок ментален или физички стрес како што се важни испити, тешки тестови, животни непријатни ситуации кои предизвикуваат силни и негативни емоции кои се придружени со зголемен стрес како што е грижа и тага за блиска личност поради болест и слично.
Постојат неколку причини зошто трошиме повеќе витамин Б12 во такви екстремни ментални ситуации. Од една страна, апсорпцијата и искористувањето на биофакторите како витаминот Б12 е засегната затоа што при вакви состојби се намалува апсорпцијата од страна на дигестивниот систем а со тоа се менува и составот желудочната киселина во негативно. Од друга страна, многу витамин Б12 се троши за производство на невротрансмитери и хормони поради постојаната состојба на стрес. Производството на хормони како серотонин, адреналин и норадреналин, особено, значително ја зголемува потрошувачката на витамин Б12, така што високата потрошувачка на витамин Б12 може да доведе до негов дефицит во организмот.
Како електрични жици, нашите нервни патишта се исто така покриени со заштитна обвивка. Многу слично на изолацијата на кабелот, таканаречените миелински обвивки обезбедуваат правилен пренос на нервните имплуси. Доколку се јави недоволно снабдување со витамин Б12, регенерацијата на миелинските обвивки запира.
Бидејќи витаминот Б12 е исто така одговорен за производство на хормони и невротрансмитери неопходни за одржување на добра ментална состојба, недоволното снабдување може да доведе до почетни знаци на оштетувања. Откриениот недостаток, од друга страна, може да доведе до неспецифични последици како што се проблеми со меморијата, слаба концентрација и депресивно расположение. Така, не е зачудувачки што сте нерасположени и имате чувство како да сте неспособни да се справите со секојдневниот стрес! Ако оваа состојба трае многу долго, може да доведе до сериозни последици кои може да кулминираат со деменција, тешка депресија и физичка парализа.
Витаминот Б – пред сè витаминот Б12 – се опишува и како „најпогодна храна за нашите нерви“ бидејќи ја обезбедува нормалната функција на нашите нерви и е вклучен во растот на нервите и регенерацијата на нервите при состојби на стрес. Исто така, го поддржува нашиот енергетски метаболизам, така што чувството на умор и депресија се намалува кога нивото на витамин Б12 е избалансирано. Една спроведена студија на австралискиот технолошки универзитет Свинбурн во Мелбурн покажува дека лицата кои земале витамин Б (вклучувајќи го и витаминот Б12) во текот на неколку недели подобро се справуваат со секојдневниот стрес за дури 20 проценти, споредбено со група на лица кои не земале витамини од групата на Б.
Ако во организмот нивото на витамин Б12 се движи во нормални концентрации, полесно се справувате со стресното секојдневие и на некој начин нервниот систем ни е подобро заштитен. Зголемена концентрација на витамин Б12 неможе за краток период да предивика оптеретување – а исто така и ниските концентрации неможат за краток период да предизвикаат недостаток и несакани ефекти. Меѓутоа, ако веќе е откриен недостаток и веќе се појавиле првите симптоми на недостаток, во консултација со матичен лекар може да се започне со терапија со витамин Б12 која ќе помогне во ублажување на симптомите. Ако оштетувањето на нервот не е премногу напредно, може да се подобри со текот на времето.
Без разлика на возраста и полот, препорачаната дневна доза на витамин Б12 за здрави возрасни лица е 3 µg. Доколку се применува здрава избалансирана исхрана, состојба на намалена концентрација на витамин Б12 се појавува многу ретко кај здрави возрасни лица, но може да се дојде до состојба на недоволна апсорпција на витамин Б12 која обично се случува при изложеност на зголемен стрес на индивидуата во времетраење на подолг временски период. Во овој случај, се препорачува суплементација за да се спречи недостаток на витамин Б12. Доколку е откриен недостаток на витамин Б12, Ве молиме консултирајте се со вашиот лекар и разговарајте со него за конкретни медицински терапевтски опции. Кај бремени жени и доилки има зголемена потреба за внес на витамин Б12 - препорачана дневна доза е 3,5 до 4 μg витамин Б12. На почетокот на бременоста, консултирајте се со вашиот гинеколог за начиот на исхрана во текот на бременоста.
Постарите лица , индивидуи изложени на зголемен стрес, бремени, доилки, вегани или вегетаријанци, се најчести групи на пациенти кај кои може да се јави недостаток на витамин Б12.
Бидејќи витаминот Б12 најчесто се наоѓа во храната од животинско потекло како што се месото, црниот дроб, јајцата и рибата, веганите и вегетаријанците кои не ја консумираат оваа храна се изложени на зголемен ризик од недоволно снабдување. Индивидуите кои спаѓаат во било која од гореспоменатите групи треба да обратат значително внимание кон начинот на исхрана и што е тоа што содржи - всушност, само неколку вегани страдаат од недоволно снабдување со витамин Б12 бидејќи селективно го спречуваат тоа со користење на додатоци.
Постарите лица, особено постарите кои живеат во пензионерски домови, релативно често се справуваат со недоволно снабдување со витамин Б12, поради тоа што нивните опции од менито понекогаш се ограничени, а апетитот исто така им се намалува. Гастроинтестиналните заболувања, како и долготрајна употреба на одредени лекови за дијабетес како што е метформинот може да доведат до нарушена апсорпција на витамин Б12.
Доколку поради посебната животна ситуација се јави потреба за зголемување на концентрацијата на витамин Б12, треба да се размисли за земање на соодветна суплементација. Меѓутоа, ако првите симптоми на недостаток стануваат се повеќе забележливи и притоа се јавуваат соодветни несакани ефекти, во консултација со матичен лекар треба да се почне со земање на лекови за да се постигне потребната концентрацијата на Б12. Матичниот лекар најпрво може да започне со дозирање на повисоки дози (1000 µg) на витамин Б12. Витаминот Б12 се ресорбира преку цревната мукоза и при примена на повисоки концентрации се прави депо од витамин Б12 кој понатака постепено се ослободува според потребите на организмот. Вишокот на витамин Б12 кој не се апсорбира природно се излачува со што се спречува прекумерното снабдување со истиот. Единствениот познат несакан ефект е ретка појава на акни, кога витаминот Б12 се прима интрамускулно.
Wörwag Pharma GmbH & Co. KG - Опсегот на информации обезбедени на www.woerwagpharma.de за личното здравје е исклучиво за ваша информација и во никој случај не заменува лична консултација, преглед или дијагноза од лиценциран лекар. Содржините достапни на www.woerwagpharma.de не можат и не смеат да се користат за поставување дијагнози и/или земање лекови самостојно. Ве молиме, исто така, обрнете внимание на исклучувањето на одговорноста и нашите индикации за правата на сликата.