![[Translate to Macedonian:] [Translate to English:]](/fileadmin/_processed_/e/c/csm_milk_4170897747.jpg "[Translate to Macedonian:] [Translate to English:]")
Сите знаеме дека калциумот е еден од најважните минерали кој што има клучна улога во здравјето на коските и забите. Сепак, нашите коски се составени од многу повеќе супстанци освен калциум. Многу важен е и магнезиумот и често луѓето имаат недостаток од него. Но за да може калциумот да стигне до коските, потребно е и доволно количество на витамин Д, кој всушност ја подобрува апсорпцијата на калциум во организмот.
Витаминот Д и магнезиумот се директно поврзани со апсорпцијата на калциумот и неговото вградување во нашите коски – доколку имаме дефицит на истите, нашиот локомоторен систем нема да може добро да функционира. За да ја имаме потребната концетрација на калциум, за да имаме здрави коски и заби, препорачливо е калциумот секогаш да се зема во комбинација со магнезиум и витамин Д, така што неопходен ни е и внес на храна богата со магнезиум и витамин Д. Исто така земање на лекови кои содржат витамин Д може да доведе до намалување или ублажување на симптомите на остеопороза.
Остеопорозата или губењето на коскената маса е болест на коските која се карактеризира со намалување на коскената густина и склоност на коските лесно да се кршат. Се манифестира кога односот на коскената синтеза и ресорпција се поместува кон ресорпција, кога формирањето на коските се забавува, така што доведува до намалување на коскената густина и полесна кршливост на коските. И двата процеса играат значајна улога во разградувањето и обновувањето на коскеното ткиво. Како резултат на ова, на секои седум до десет години се обновува целиот скелет на една личност. Хормоните естроген и андроген ги штитат коските од зголемена загуба на минерали. Меѓутоа, со менопаузата, нивото на естроген кај жените се намалува – што ги прави постарите жени особено склони кон остеопороза, за разлика од мажите на иста возраст. Околу 95% од случаите кои се јавуваат претставуваат примарна остеопороза. Од друга страна, дијабетичарите особено се погодени од секундарна остеопороза, која се јавува како последица на други болести, а погодени се и пациенти кои земале лекови кои содржат кортизон или оние пациенти кои страдаат од хипертироидизам. Остеопорозата особено го погодува пределот на пршлените и вратот на бедрената коска затоа што пред сè, тие се прилично кревки и второ, носат голема тежина. Останатите коски на скелетот исто така се повеќе склони кон фрактури.
Ако имаме дефицит на двата биофактори витамин Д и магнезиум, кои се есенцијални за синтезата на коските, брзината на појава како и симптомите на остеопорозата може да се интензивираат. Магнезиумот игра клучна улога во одржувањето на оптимална густина на коските и во самото формирање на ткивото. Терминот „остеопороза“ исто така укажува на недостаток на калциум во коските. Магнезиумот дополнително помага и во регулацијата на метаболизмот на калциумот и негово депонирање ви коскеното ткиво. Исхрана богата со магнезиум и витамин Д може да придонесе во правилно искористување на калциумот. Редовното вежбање и движењето, како и редовните прошетки, танцување или практикување на гимнастика можат значително да придонесат за зајакнување на мускулите и одржување на густината на коските.
Витаминот Д е задолжен за многу важни функции во нашето тело. Тој е, на пример, незаменлив биофактор за правилно функционирање на нашиот имунолошки систем! Друга главна задача на витаминот Д е регулирањето на калциумот во нашето тело, назначено и со неговото научно име „холекалциферол“. Ја контролира апсорпцијата и искористувањето на калциумот од исхраната. Ако имаме недоволна концентрација на витамин Д во нашиот организам, тогаш недоволно калциум стигнува во крвта преку цревните мембрани и нивото на калциум се намалува - без оглед на количеството калциум што се снабдува преку исхраната. Иако калциумот во високи дози може пасивно да стигне до крвта (без помош на витамин Д), тоа се случува само во незначителна мера. Особено кај бебињата и малите деца, ова може да доведе до сериозна состојба бидејќи тие мора да инкорпорираат многу калциум во нивните коски во текот на својот раст. Затоа, често им се дава витамин Д како превентивна мерка против рахитис. Кај оваа болест – наречена и „омекнување на коските“ - на коските им е потребен есенцијалниот калциум, бидејќи последица е нивната нарушена минерализација, што доведува до скратени и искривени екстремитети. Меѓутоа, недостатокот на витамин Д може да ги интензивира и болестите на староста како што е остеопорозата.
Здрава возрасна индивидуа од Централна Европа која секојдневно пешачи околу 20 до 30 минути на сонце може целосно да ја задоволи потребата од витамин Д.
Витаминот Д е еден од ретките витамини што луѓето можат сами да го синтетизираат. Така, неговото име „витамин“ не е целосно применливо бидејќи всушност претставува прохормон. Сепак, името „витамин Д“ се задржало поради историски причини. Витаминот Д се активира преку сончевата светлина – поточно, УВ-Б зрачењето – на кожата. Витаминот Д3 се синтетизира од дехидрохолестерол. Од крвта, стигнува до црниот дроб, каде што се претвора во форма на складирање.
Здрава возрасна индивидуа од Централна Европа која секојдневно пешачи околу 20 до 30 минути на сонце може целосно да ја задоволи потребата од витамин Д. За околу 30 минути, пешачење во услови на убави сончеви денови се синтетизира приближно 250 микрограми витамин Д. Тогаш телото практично ја запира синтезата за да се исклучи предозирањето предизвикано од прекумерна сончева светлина. Непотребниот витамин Д може да се складира во масното ткиво, и да се активира во зимските месеци кога сонцето не може да ни испрати доволно УВ-Б зрачење за да синтетизираме нов витамин Д.
За да може самото тело да синтетизира витамин Д, потребно е доволно гола кожа да биде изложена на сонце за да почне да го синтетизира. Премногу облека и креми за сончање со висок фактор за заштита од сонце може да ја попречат синтезата на витамин Д бидејќи спречуваат УВ-Б зрачењето да стигне до кожата. Тогаш, дали треба да нанесуваме помалку крема за сончање? Ова е вистинска дилема во моменти кога има пооправдани предупредувања за опасноста од рак на кожата при директно изложување на кожата на сонце.
Меѓутоа, во зимските месеци лесно може да се случи да немаме доволно сончеви денови кои ни се потребни за да се задоволи потребата од витамин Д3. Лицата со потемна кожа имаат повеќе потешкотии да синтетизираат доволно витамин Д3 отколку оние со посветла кожа - колку е потемна бојата на кожата, толку побавно се одвива синтезата на витаминот Д. За да се компензира за ова, потемната кожа е подобро заштитена од штетните ефекти на сончевата светлина, со што се овозможува сончање малку подолго без ризик од изгореници. Решението за оваа дилема лежи, како и секогаш, во средината: Сонцето на гола кожа е во ред – но ако имате намера веднаш да поминете неколку часа на отворено, тогаш никогаш не заборавајте да нанесете крема за сончање!
За среќа, витаминот Д3 може да се апсорбира од храната - иако во ограничена мера - на пример преку:
На постарите лица им треба повеќе витамин Д поради поголемиот ризик за остеопороза. Тие често се помалку мобилни, нешто што може да го скрати престојот на отворено. Покрај тоа, производството во кожата значително опаѓа со напредната возраст. Гледано преку исхраната, постарите лица исто така имаат помалку аптетит и е потешко потребите на витамин Д да ги задоволат преку исхраната. Затоа е препорачливо поворасните индивидуи да земаат додатоци кои содржат витамин Д.
Магнезиумот е познат пред се по неговата функција во нашите мускули. На сите наши мускули им треба магнезиум за да можат повторно да се релаксираат по физичкиот стрес. Затоа, недостатокот на магнезиум брзо се манифестира со грчеви во текот на ноќните часови и појава на аритмии - затоа што и срцето е „само“ мускул. За здравјето на жените, тој исто така игра важна улога поради неговото антиспазмодично дејство. Магнезиумот може да се складира во нашето тело т.е, во нашите коски и заби. Оттука, околу 60 проценти од 25 g магнезиум што ги носиме во нашето тело е врзан во коските и забите. Само околу 1 процент од целиот магнезиум се транспортира врзан со протеини во нашата крв. Преостанатиот магнезиум се дистрибуира во мускулите и меките ткива, каде што е врзан, на пример, со АТП (аденозин трифосфат, горивото на нашите клетки) за да ги извршува своите задачи. Во коските складираниот магнезиум не е пасивен, но придонесува за стабилизација на коските и за раст и минерализација на коските. Ако има недостаток од него, важните функции повеќе не можат да се извршуваат и болестите како остеопорозата може да се влошат. Затоа и двата минерали се важни за коскените клетки. Така, калциумот и магнезиумот логично треба да му се даваат на телото во доволни количини и со секојдневната исхрана и со пијалоци како минерална вода. Ако веќе е откриен недостаток; треба да се третира со соодветни лекови. Последно, но не и најмалку важно , магнезиумот исто така игра важна улога во активирањето на витаминот Д. Витаминот Д - или да бидеме попрецизни - калцитриолот за возврат ја регулира ресорпцијата на калциум и магнезиум во тенкото црево. Поради тоа, и двата биофактори директно влијаат на нивната апсорпција од храната.
Калциумот и магнезиумот треба да се внесуваат во организмот во доволни количини и со секојдневната исхрана и со пијалоци како минерална вода.
Бидејќи има релативно малку магнезиум во просечната западноевропска исхрана, благиот недостаток на магнезиум може да се јави многу често. Многу други фактори од нашиот секојдневен живот не тераат да трошиме повеќе магнезиум или да го излачуваме повеќе од вообичаено.
При вежбање, на пример, зголемената мускулна функција троши магнезиум, кој исто така се излачува со потта. Лицата со хронични болести како што е дијабетесот исто така излачуваат повеќе магнезиум. Во зависност од возраста и полот, здравите поединци треба да земаат помеѓу 300 mg и 400 mg магнезиум, како што е препорачано од Германското друштво за исхрана . Оние кои припаѓаат на ризична група или имаат поголема потреба од лекови, треба да се консултираат со својот лекар пред да земат повисока концентрација на магнезиум.
Магнезиумот го има во житарките,јаткастите плодови, семките, сојата и какаото. Пример:
Така, кога купувате минерална вода, покрај содржината на калциум, внимавајте и на содржината на магнезиум по литар за да можете лесно да ги задоволите вашите потреби за магнезиум.
Кога размислувате за темата остеопороза, не мислете само на вашите коски и потребниот калциум – на сложените процеси во нашето тело им треба повеќе од тоа за добро да функционираат. Само заедно со добро прилагодена рамнотежа на магнезиум и витамин Д можно е ефикасно да се спречи остеопорозата и калциумот да стигне до местата каде што е најпотребен. Никогаш не заборавајте да разговарате за превентивните мерки со вашиот матичен лекар, бидејќи дури и овие мерки треба да се приспособат од случај до случај.
Wörwag Pharma GmbH & Co. KG - Опсегот на информации обезбедени на www.woerwagpharma.de за личното здравје е исклучиво за ваша информација и во никој случај не заменува лична консултација, преглед или дијагноза од лиценциран лекар. Содржините достапни на www.woerwagpharma.de не можат и не смеат да се користат за поставување дијагнози и/или земање лекови самостојно. Ве молиме, исто така, обратете внимание на нашето одрекување и нашите индикации за правата на сликата.